Eýran Yslam Respublikasynyň ilçisiniň Türkmenistanyň Halkara gatnaşyklar institutyna sapary
Bu duşukda taraplar iki ýurduň daşary işler ministrlikleriniň arasyndaky hyzmatdaşlyk boýunça özara düşünişmek Ähtnamasynyň nähili durmuşa geçirilmelidigi barada söhbet etdiler.
Eýran Yslam Respublikasynyň Türkmenistandaky ilçisi, Ali Mojtäba Ruzbehani, şu gün irden, Türkmenistanyň Halkara gatnaşyklar institutyna bardy we bu ýokary okuw jaýynyň rektory, hanym Gülşat Ýusupowa bilen duşuşdy. Olar bu ýokary okuw jaýy bilen Eýran Yslam Respublikasynyň daşary işler ministrliginiň syýasy we halkara ylmy barlaglar merkeziniň arasyndaky hyzmatdaşlygy ýokarlandyrmagyň ýollary barada pikir alyşdylar.
Şeýle-de, duşuşygyň dowamynda, taraplar 2024-nji ýylyň awgustynda gol çekilen iki ýurduň daşary işler ministrlikleriniň arasyndaky hyzmatdaşlyk boýunça özara düşünişmek Ähtnamasynyň nähili durmuşa geçirilmelidigi barada söhbet etdiler. Duşuşygyň ahyrynda, Eýran Yslam Respublikasynyň ilçisi Türkmenistanyň Halkara gatnaşyklar institutynyň dürli kafedralaryna baryp gördi we bu ýokary okuw jaýynyň alyp barýan işleri bilen ýakyndan tanyş boldy.