21-nji awgust – Bütindünýä metjit güni

21-nji awgustda Bütindünýä Metjit gününi belläp geçýäris

Hijri şemsi senenamasynyň mordad aýynyň 30-na gabat gelýän her ýylyň 21-nji awgusty Eýran Yslam Respublikasynyň haýyşy we Yslam Konferensiýasy guramasynyň goldamagy bilen Bütindünýä Metjit Güni hökmünde saýlandy. 55 ýyl mundan ozal Denis Maýkl Rohan atly Awstraliýaly bir sionist musulmanlaryň ilkinji kyblasy bolan Masjed al-Aksany otlap onuň 1500 inedördül metr giňligindäki bölegini ýangyna berdi.

Sionistler 1967-nji ýylda Palestinany basyp alanlaryndan soň gaýta-gaýta çozuş etmek bilen Masjed al-Aksany ýykyp ýok etmegiň we onuň harabalarynyň üstünden täze ýahudy ybadathanasyny gurmagyň kastynda gezýärdiler. Bu ideýa olaryň aňyna, diline we edýän hereketlerine çuňňur ornaşandyr.

Basyp alyjylar şol ýangynyň bolan güni Masjed al-Aksanyň we onuň töwerekleriniň suwuny kesdiler we basyp alyjy Ysraýyl güýçleri tarapyndan dolandyrylýan şäher häkimliginiň ýangyn söndüriji awtoulaglary bilkastlaýyn ýagdaýda ýangyny söndürmäge barmady. Onsoň adamlar ýangyny öz eginbaşlary we gabat gelen elementar serişdeler bilen söndürmäge mejbur boldular.

Bu ýangyn halkara ýazgarmasyny döretdi. Birleşen Milletler guramasynyň Howpsuzlyk Geňeşi ýörite mejlis geçirip, özüniň 1969-njy ýyldaky 271 belgili Rezolýusiýasyny kabul etmek bilen Ysraýyly ýazgardy.